viernes, 22 de agosto de 2008

10.000 articlos en a Biquipedia en aragonés


Ista dentrada en o blog ye escrita en aragonés, a luenga propia d'Aragón, que yera á más á más a luenga de tota a mia familia aragonesa.

O motibo ye fazil de comprender: a Biquipedia en luenga aragonesa tien en iste momento ya 10.000 articlos. L'aragonés ye una luenga chicota, que nomás ye charrata por, alto u baxo, 10.000 fablants, por a persecuzión á que a que a estato sotsmesa y por a presión sobre os suyos fablants, que tienen a perzepzión de charrar mal cuando charran en aragonés.

Pero en a Biquipedia bi ha ya 10.000 articlos, uno por cada fablant. Ye una zifra redonda pero, á más á más, ye una zifra machica: un articlo por cada uno d'os fablants. Asinas que ya puets esleyir o tuyo articlo, si charras en aragonés.

Pero bi ha encara más. Ta comparar, bi ha más de 300.000.000 de chens que charran o castellán, pero en a Wikipedia en castellán nomás bi ha 390.920 articlos. Ye dezir, 1.000 fablants por articlo, alto u baxo. Iste feito permet de tomar conzienzia clara d'a importanzia d'istos 10.000 articlos.

Ta os 25.000!!!!

Nota: A imachen ye de Creative Commons, y a suya lizenzia y a informazión de l'autor ye aquí.

3 comentarios:

Unknown dijo...

MANUEL: He leido tu intervencion a mi consulta en Damasco. Gracias!! y no puedo dejar de felicitarte por este blogs.....vaya trabajo que has hecho y tu muy humilde decias alla que poco sabias de genealogia....vamos hombre sabes como los dioses.
Te felicito y doy las muchas gracias por tu intervencion, como dijiste te borrabas de la lista busque para hacerte llegar este comentario.
Animo te seguimos esperando por basque.
Cordiales saludos de
Maria Antunes Celaya
MONTEVIDEO URUGUAY

Carlos dijo...

No sapes cuanto m'agrada poder leyer en ista polida luenga a chen d'as Zinco Billas. No sabebai que que la conoxebas.

Esprisons

Manuel Trujillo Berges dijo...

Esprisons, Carlos. Conoxer-la, la conozco, ye a luenga que charraba a mia mai de nina en Luesia, atra cosa ye charrar-la, que encara güé soy aprenendo-la...

Biemplegato ta iste blog, y torna una atra begata, antis de que a Biquipedia plegue d'os 11.000, que será ye fázil que en pocos diyas...